Kungiyar Chelsea na hada takardun da ta mika na neman izinin fita daga sabuwar gasar European Super League.

Wannan matakin ya zo ne kwana daya da aka sanar cewar Chelsea tana daga cikin kungiyoyi shida daga Premier League da suka amince su gudanar da sabuwar gasar.

A ranar Lahadi aka sanar da kungiyoyi 12 da ke shirin fara sabuwar gasar zakarun Turai, sai dai an yi ta caccakar wannan sabon yunkurin.

Sama da magoya bayan Chelsea 1,000 suka taru a Stamford Bridge kafin wasan da za ta kara da Brighton a Premier, inda suka nuna bacin rai da kungiyar ta fada wannan shirin.