Super Eagles of Nigeria don qualify for di 2021 Africa Cup of Nations [AFCON] even ahead di two qualifier games dem get to play.

Nigeria senior football national team pick di ticket afta Sierra Leone play a goalless draw wit Lesotho inside Maseru on Saturday afternoon.

Di result don give di three-time African champions eight points with 4 points ahead of third placed Sierra Leone.

Gernot Rohr boys go battle di Squirrels by 5 pm on Saturday evening for Stade Charles de Gaulle inside Porto Novo.

Super Eagles of Nigeria go later play Crocodiles of Lesotho on Tuesday at di Teslim Balogun stadium in Lagos.