Gobara ta tashi a wani sashin bada kulawar gaggawa na masu fama da cutar korona marasa a Bagadaza, babban birnin Iraki.

Rahotanni na cewa wutar ta kashe a kalla mutane ashirin da uku tare da jikkata wasu da dama.

An yi ta kokarin tseratar da marasa lafiya yayin gobarar wadda bayanai ke cewa ta tashi ne sakamakon fashewar iskar oxygen.

Wani jami'in hukumar tsaro ta farin kaya ya ce yawancin marasa lafyar da ke wannan sashi sun mutu, saboda cire musu iskar da suke shaka yayin da ake kokarin ceton rayukansu.