Manchester City striker Sergio Aguero go join Barcelona on two-year contract when im current one expire for end of June.

Di 32-year old striker from Argentina Argentine, go comot City after 10 years for di club, wia im become dia all-time leading goalscorer wit 260 goals in 390 games.

Im last appearance na when e enter as substitute for Saturday Champions League final defeat by Chelsea.

Aguero go get buyout clause of 100m euros (£86m) for Barcelona.

Im official signing ceremony go happun on Monday, 30 May.

Aguero, wey don win 15 major trophies during im time for Manchester, go join fellow kontri man and close friend Lionel Messi for Nou Camp.

???? @aguerosergiokun's first day with Barça!#KunCuler ????????????❤️ pic.twitter.com/Z05kNIEzZa

— FC Barcelona (@FCBarcelona) May 31, 2021