Kasar Laberiya ta kashe $71,000 a matsayin kudin dakon wasu kananan katon-katon uku na maganin korona da aka hada a Madagascar, inji ma'aikatar lafiya ta kasar.
Bayyanar wannan labarin ya ja hankulan mutanen kasar, musamman bayan da ma'aikatar lafiya ta kasar ta sauya sanarwar da a baya ta fitar cewa ruwan maganin kyauta ce daga gwamnatin Madagascar, inda ta ce gwamntin Laberiya ta biya kudin jigilar maganin ne kawai wanda ke cikin wasu kananan katon-katon uku.
An kuma rika yada bidiyon lokacin da Shugaba George Weah ke karbar maganin a filin jirgin saman Monrovia shekara daya da ta gabata, a shafukan sada zumunta.
Madagascar has donated some boxes of its herbal drink (COVID-Organics) for the coronavirus to Liberia.
— Regina Sondo (@ReginaSondoM) May 5, 2020
The boxes were delivered to Liberia on Monday, May 4, 2020, at the Roberts International Airport in Monrovia to President George Weah and some top government officials. pic.twitter.com/w3vnnu6Uom
Zuwa wannan lokacin babu wanda ya tabbatar da sahihancin maganin duk da gwaje-gwajen da aka yi a sassan duniya daban-daban.
Kasar Madagascar, wadda a baya ta dogara kan wannan maganin nata, yanzu ta sauya taku - inda ta koma amfani da alluran riga-kafin da WHO ke samar wa.
Ba san ko gwamnatin Laberiya ta rabawa 'yan kasar maganin na Madagascar ba.
Wannan ne abin kunya na baya-bayan nan da ya dabaibaye gwmanatin Mista Weah kan yadda ta ke watanda da kudaden al'ummar kasar.
